Nosferatu the Vampyre
നോസ്ഫെരാറ്റു ദി വാമ്പയർ (1979)
ബ്രാം സ്റ്റാക്കറുടെ ഡ്രാക്കുള, പുറത്തിറങ്ങിയ കാലം മുതലിങ്ങോട്ട് പല ഭാഷകളിൽ, പല കാലങ്ങളിൽ പല തരത്തിൽ വ്യാഖ്യാനിക്കപ്പെട്ട ഗോഥിക് ഹൊറർ നോവലാണ്.
അതിന്റെ വെർണർ ഹെർസോഗ് പതിപ്പാണ് ‘നോസ്ഫെരാറ്റു ദി വാമ്പയർ’. 1922-ൽ F. W മാർണോയുടെ സംവിധാനത്തിൽ പുറത്തിറങ്ങിയ
ക്ലാസിക് നിശബ്ദ ചിത്രമായ ‘നോസ്ഫെരാറ്റു എ സിംഫണി ഓഫ് ഹൊററി’ന്റെ പുനരാവിഷ്കാരം കൂടിയാണ് ഈ ചിത്രം.

ഹൊറർ ഫാന്റസി പശ്ചാത്തലത്തിലുള്ള നോവലിനെ റിയലിസ്റ്റിക്കായി അവതരിപ്പിക്കുകയാണ് ഹെർസോഗ്. ഡ്രാക്കുള പ്രഭുവിനെ തേടിയുള്ള ജൊനാഥൻ ഹാർക്കറിന്റെ യാത്രയിലൂടെ തന്നെയാണ് സിനിമയും ആരംഭിക്കുന്നത്. ഹെർസോഗിന്റെ മുഖമുദ്രയായ, സാഹസികത നിറഞ്ഞ ദൃശ്യങ്ങളാൽ സമ്പന്നമാണ് ഈ ചിത്രവും.

ഡ്രാക്കുളയായി അഭിനയിച്ച ക്ലൌസ് കിൻസ്കിയുടെ അവിസ്മരണീയ പ്രകടനവും, വെർണർ ഹെർസോഗിന്റെ തനതു ശൈലിയിലുള്ള അവതരണവും നോസ്ഫെരാറ്റു ദി വാമ്പയറിനെ എക്കാലത്തെയും മികച്ച ഹൊറർ ചിത്രങ്ങളിലൊന്നാക്കുന്നു.

മലയാളം സുബ്ടൈറ്റില്‍ തയ്യാറാക്കിയത്:
രാഹുൽ രാജ്, എം സോണ്‍